ვიცე–პრეზიდენტი

 

g.darchiashviliგრიგოლ დარჩიაშვილი  დაიბადა ქ. თბილისში  1947 წლის 26 ივნისს. 1953 წელს დაიწყო სწავლა ქ. თბილისის 32 საშუალო სკოლაში, შვიდი კლასის დამთავრების შემდეგ სწავლა გააგრძელა თბილისისს მანქანათმშენებლობის ტექნიკუმში. 1967 წელს ჩაირიცხა თბილისის სახელმწიფო უნივერსიტეტში ფიზიკის ფაკულტეტზე. უნივერსიტეტის დამთავრების შემდეგ მუშაობა დაიწყო თბილისის სტაბილური იზოტოპების ინსტიტუტში ჯგუფის ხელმძღვანელად. 1980 წელს გადავიდა სამუშაოდ თბილისის გაერთიანება ,,მიონში” უბნის უფროსად. 1984 წელს  დაინიშნა გაზეთ ,,სვობოდნაია გრუზია”–ში რედაქციის გამგედ. პარალელურად 1975 წელს დაიწყო ვარჯიში კარატეში. ორმოც წელზე მეტია ავარჯიშებს კარატეს სპორტსმენებს. აღზარდა საქართელოს მრავალი ჩემპიონი და პრიზიორი, საერთაშორისო ტურნირების გამარჯვებულები, აგრეთვე ევროპის ჩემპიონატის პრიზიორები და ჩემპიონები. 2011 წელს გაიმარჯვა ვეტერანებში და გახდა მსოფლიო ჩემპიონი კატაში ქ. მოსკოვში. ხელმძღვანელობს საქართველოს შოტოკაი კარატეს ასოციაციას . კარატეს საყოველთაო გაერთიანების შემდეგ, რომლის პრეზიდენტად არჩეულ იქნა ბ–ნი კახა ბასილია, გრიგოლ დარჩიაშვილი დაინიშნა პირველ ვიცე–პრეზიდენტად, ამავე დროს ხელმძღვანელობს ქ. თბილისის კარატეს ფედერაციას. აქვს მინიჭებული w.k.f –ის მე-VI  დანი,  w.s.k.u – მე VI დანი,  w.s.k.f– მე-V  დანი –  სტილი შოტოკანი.

 11739657_699985030134879_1482388952_nმამუკა ყურაშვილი
დაიბადა ქ. ზუგდიდში 1962 წელს 18 აპრილს. 1979 დაამთავრა საჯარო სკოლა, იმავე წელს ჩაირიცხა პლენინგრადის პოლიტექნიკურ ინსტიტუტში. 1982 წელს გადავდა ჰიდრომეტეოროლოგიურ ინსტიტუტში დაუსწრებელ ფაკულტეტზე, რომელიც დაამთავრა 1989 წელს. 1983-1985 წლებში მსახურობდა ჯარში, სახალინში. 1982-1992  წლებში მუშაობდა ენგურჰესზე. 1995-1999  წლებში მუშობა საქართველოს უშიშროების სამსახურში, სამეგრელო-ზემო სვანეთის ოპერატიული რეალიზაციის სამსახურს უფროსად. 1999 წლიდან 2001 წლამდე მუშობდა ზუგდიდის განყოფილების უფროს ოპერატიულ თანამშრომლად. 2001-2003 წლებში იყო სამეგრელო-ზემო სვანეთის სუსის ანტიტერორისტული განყოფილების უფროსი. 2005-2007 წლებში მუშაობდა სასტუმრო პრემიერ პალასის დაცვის უფროსად ბაკურიანში. 2009-დღემდე არის შპს „ნაიას“ სამეგრელოს რეგიონის მენეჯერი, ევროკავშირის სამეგრელოს რეგიონში უსაფრთხოების უფროსი. 1979-1980 დაიწყო კარატეში ვარჯიში ლენინგრადში. 1980-1981 წლებში თამაშობდა ლენინგრადის ინსტიტუტის ფეხბურთის ნაკრებში, არის ჩემპიონი და პრიზიორი ინსტიტუტებს შორის. 1983 წლიდან განაახლა კარატეში ვარჯიში სენსეი მერაბ ოკუჯავასთან. 1991 წელს ჩააბარა შავ ქამარზე სენსეი ილია იორგასთან. 1994 წელს ჩააბარა II დანზე სენსეი ზურაბ ლეჟავასთან. 1997 წელს ჩააბარა III დანზე სენსეი კანაზავასთან. 1999 წელს ჩააბარა IV დანზე სენსეი კანაზავასთან. 2005 წელს ჩააბარა V დანზე სენსეი კასუიასთან. ეროვნული VI დანი ჩააბარა 2009 წელს. 2015 წელს ჩააბარა VII დანი. 2005 წელს გახდა ევროპის ჩემპიონი კატაში, თბილისი. 2007 წელს მოიგო კანაზავას მსოფლიო თასი, როგორც ინდივიდუალურში ასევე გუნდურში. 2007 წელს მოიგო ლენინგრადის ღია ტურნირი კატა-კუმიტეში (პირველი ადგილი). 2009 წელს მოიგო w.s.k.f -ში მსოფლიო ტოკიოში ჯიუკუმიტეში. 2009 წელს დაიკავა შობუ იპონში მსოფლიოში მეორე ადგილი. 2012 წელს დაიკავა მეორე ადგილი კანაზავას მსოფლიო თასზე. 2013 წელს დაიკავა მესამე ადგილი მოსკოვის ვარსკვლავების ტურნირში. 2005-2009 წლებში იყო კარატეს ეროვნული ფედერაციის ვიცე-პრეზიდენტი. 2010-2014 იყო კარატე დოს აკადემიის ვიცე პრეზიდენტი. 2012 წელიდან არის w.k.f  საერთაშორისო კატეგორიის მსაჯი. 2015 წლიდან არის საქართველოს ეროვნული ფედერაციის ვიცე პრეზიდენტი. 2007-2009 წლებში იყო საქართველოს კარატეს ეროვნული ფედერაციის ნაკრების მთავარი მწვრთნელი. 1990- დღემდე არის სამეგრელო ზემო-სვანეთის კარატეს ფედერაციის პრეზიდენტი.
14101857_892642917535755_370264230_n  თენგიზ რამიშვილი  –  პარაოლიმპიური მიმართულების ვიცე- პრეზიდენტი
 დაიბადა  1951 წლის  25 სექტემბერს.  კარატეს პიონერი და მრავალი პრიზიორისა თუ ჩემპიონის აღმზრდელი.  2002 წელს ქართულ – ამერიკული უნივერსიტეტისგან   მიღებული აქვს   ადმინისტრაციული მენეჯერის   სერტიფიკატი,  1996-2000 წლებში მიიღო განათლება   თბილისის მართვის სახელმწიფო ინსტიტუტში და აქვს სამათალმცოდნეობის დიპლომი, 1968 – 1979 წლებში  ივ. ჯავახიშვილის სახელობის თბილისის სახელმწიფო უნივერსიტეტში მიღებული ცოდნის შედეგად აქვს ჟურნალისტის დიპლომი.
2013  დღემდე    მუშაობს   საქართველოს სახელმწიფო აუდიტში  თავდაცვის საზოგადოებრივი წესრიგის და უსაფრთხოების სფეროს აუდიტის დეპარტამენტის აუდიტორად. 2009 – 2013     წლებში მუშაობდა    საქართველოს კონტროლის პალატაში   შიდა აუდიტის დეპარტამენტის მთავარი სპეციალისტად.  2008 – 2009  წლებში მუშაობდა  საქართველოს კონტროლის პალატაში   გენერალური ინსპექციის მთავარ ინსპექტორად.      2007 – 2008 წლებში მუშაობდა  საქართველოს კონტროლის პალატაში  თავმჯდომარის მრჩეველად. 2003- 2006  წლებში მუშაობდა     შ.პ.ს. „ორიონ“-ში  უსაფრთხოების სამსახურის მთავარი მენეჯერად.  1999- 2004 წლებში  საქართველოს თავდაცვის სამინისტროში მინისტრის მრჩეველი სპეციალურ საკითხებში – პოლკოვნიკი.  2004  დღემდე      საქართველოს კარატე დოს ეროვნული ფედერაციის    სპეციალური მომზადებისა და რეაბილიტაციის ცენტრის ხელმძღვანელი.   2016 წელს   მიიღო    საქართველოს სპორტის დამსახურებული მოღვაწის წოდება.  2004 წელს დაჯილდოებული იქნა  სპეციალური ოქროს მედლით  საქართველოში საბრძოლო ხელოვნებათა განვითარების საქმეში შეტანილი წვლილისათვის. 2002 წელს   მიიღო   ღირსების ორდენი საქართველოს შეიარაღებული ძალების  აღმშენებლობის საქმეში შეტანილი წვლილისათვის. არის  საბრძოლო ხელოვნებათა ექსპერტი მე-VIIIდანისა და  საერთაშორისო კატეგორიის მსაჯი. აღმოსავლეთ ევროპის საბრძოლო ხელოვნებათა აკადემიის წევრი აკადემიკოსი  და საბრძოლო ხელოვნებებისა და უსაფრთხოების მსოფლიო აკადემიის დოქტორი2004 წელს   იაპონიაში მსოფლიო კარატე დოს ფედერაციაში გაიარა ტრენინგი   მსოფლიო ჩემპიონატის საორგანიზაციო კომიტეტის საქმიანობის შესახებ.  2002 წელს   მარშალის ცენტრში გარმიშში(გერმანია), გაირა ტრენინგი     კომფლიკტების დარეგულირების სამართლებრივი პრინცეპებიშ შესახებ.  2002 წელს  ნაციონალური გვარდიის ბაზაში(ჯორჯიის შტატი, აშშ), გაიარა მეთაურთა სპეციალური მომზადების პროგრამა. 2000 წელს –  საჰაერო ბაზა, რამშტაინში(გერმანია), გაიარა ოფიცერთა შემადგენლობის სპეციალური მომზადების ტრენინგი.