48-ე ევროპის ჩემპიონატზე კარატეში საქართველოს ეროვნული ნაკრების სპორტსმენმა გოგიტა არქანიამ -84კგ.  კატეგორიაში მოიპოვა ბრინჯაოს მედალი. ფედერაცია ულოცავს გოგიტას ამ დიდ წარმატებას და უსურვებს მომავალში დიდ გამარჯვებებს ქვეყნის სასახელოდ.

“USA OPEN ” ამერიკის ღია ჩემპიონატი გაიმართა ქ. ლასვეგასში 27-31 მარტს 2013 წელს, სადაც გამარჯვებული გახლდათ დავით სვანიძე. მივულოცოთ ეს შესანიშნავი გამარჯვება და ვუსურვოთ წარმატებები მომავალში. მან ასახელა საქართველო.

-

“OPEN GEORGIA” 2013 გაიმართება სპორტ-კომპლექს “არენა 2″-ში. ეს არის ყველაზე დიდი საერთაშორისო ჩემპიონატი, რომელიც გაიმართება საქართველოში. მრავალი ქვეყნის წარმომადგენლები და სპორტსმენები მიიღებენ მონაწილეობას და ნუ გამოტოვებთ ამ ღირსშესანიშნავ ღონისძიებას.

“ევრო-აზიის” თასი გაიმართა იზრაელში ამა წლის 5-7 მარტს. ამ თასის გათამაშებაზე მიწვეულნი იყვნენ საქართველოს ეროვნული ნაკრებიც, რომელმაც წარმატებით იასპარეზა:  ჰენრი ვეკუა- 1 ადგილი (-75კგ); შოთა გორელაშვილი-3 ადგილი (-75კგ); ირაკლი ტყებუჩავა- 2 ადგილი (-67კგ); დავით ტყებუჩავა- 3 ადგილი (-67კგ); ხოლო გუნდური კუმიტე ქართველების გამარჯვებით დასრულდა, ეროვნულმა ნაკრებმა დაიკავა პირველი ადგილი.

—————————————————————————–

2013 წლის 1-3 თებერვალს გაიმართა “DUBAI OPEN 2013″, სადაც საქართველოს ნაკრებმა გუნდმა:  არქანია გოგიტა, ვეკუა ჰენრი, ტყებუჩავა დავით, ტყებუჩავა ირაკლი, ჯიქია გიორგი; მოიპოვა 1 ადგილი გუნდურ კუმიტეში. ვულოცავთ ამ ღირსშესანიშნავ გამარჯვებას.

ამა წლის 19-20 იანვარს პარიზმა უმასპინძლა კარატისტთა შეჯიბრებას – პრემიერლიგას “OPEN PARIS”, რომელიც პარიზის ღია პირველობის ეგიდით ჩატარდა. ტურნირში მონაწილეობას 45 ქვეყნის 400-მდე ლიცენზირებული სპორტსმენი იღებდა. შეჯიბრებაში ძალები მოსინჯა ქართველმა გოგიტა არქანიამ (-84 კგ) და კუმიტეში ოქროს მედალი დაისაკუთრა. არქანიამ ხუთი ორთაბრძოლა დამაჯერებლად მოიგო და ჩემპიონობა არავის დაუთმო.

კახა ბასილია:” თუ გავითვალსიწინებთ, რომ წლეულს ტარდება მსოფლიოს თამაშები ყველა სპორტის სახეობაში და იქ მონაწილეობა შეუძლიათ მხოლოდ ლიცენზირებულ სპორტსმენებს, ეს იმას ნიშნავს, რომ ქართულ დელეგაციას ერთი ლიცენზია უკვე აქვს – გოგიტა არქანია მსოფლიოს თამაშებზე გამოვა. ამ ბიჭმა პარიზში ძალიან კარგად იჩხუბა და ოქროს მედალი დამსახურებულად მოიპოვა”.

8-9 დეკემბერი 2012 წელი ტრაპზონში გაიმართება მსოფლიო ჩემპიონატი კარატეში.

ამა წლის 21-25 ნოემბერს საფრანგეთის ქალაქ პარიზში გაიმართება “WKF ” მსოფლიო ჩემპიონატი კარატეში.